Ka Commonwealth Weightlifting Championships kawa man ka lympung wow yoh u psiah yakhun ha ka lympung Commonwealth Games 2026 da pynman ka ha India.
Ha kani ka Weightlifting Championships, kawa yoh takma ha ka Olympics na Manipur, India ka Mirabai Chanu da yoh Takma Ksiar ko ha ka Women’s 48 kg Category ynnin ka sngi ha Ahmedabad.
Ka Mirabai da rah ko yei khia waroh 193 kg wow chna ya ka Commonwealth Championship Record ha ka Snatch (wow rah na khyndaw hajrong khlieh), Clean and Jerk (wow rah na khyndaw ha tympha neitæ hajrong khlieh deiwa yieñ khyrnang) ha ka kyrdan Women’s 48 kg. Kini ki 193 kg kynthup ki ya ka 84 kg ha ka Snatch wa 109 kg ha ka Clean and Jerk heiwa pyn ar da man ki ki Record wa thymme ha ka Commonwealth Championship.
Hadien wa pynthymme ka International Weightlifting Federation’s (IWF) ya ka Weight Category, ka Mirabai wa jooh yakhun ha ka 49 kg (ya kawa da pyndooh), da hap yakhun noh ko ha ka kyrdan 48 kg.
Kani man ko ka takma wa san ka Mirabai ha ka Commonwealth Weightlifting Championships. Chwa ini da yoh Takma Ksiar ko ha u 2013, 2017 wa 2019 wa Takma Rupa ha u 2015.
Ka Commonwealth Games 2026 u man ko ha Glasgow.
Discussion about this post