Ka seiñ Hynniewtrep Integrated Territorial Organisation (HITO) Jaiñtia Hills da lai e dorkhat ko ha u DC yow pynsñiaw yei pyrchah hajrong i thmu ka Meghalaya State Pollution Control Board wow pynman ya ka Public Hearing ha ka 19 tarik u December 2025 yow wanrah sa kawi ka karkhana pynmih khyndaw-bilat wa tip kam ka Shree Cement Ltd ha ka chnong Daistong Elaka Nongkhlieh, East Jaiñtia Hills District.
Ya kani ka dorkhat da phah leh cha ka MSPCB lyngba u DC deiwa ong leh wa kani ka thaw wa thmu wow wanrah ya kani ka karkhana toh ka thaw rep kiwa chong chnong ka Daistong wei daw man ko i dooh wa khroo ya katai chnong najrong wa ktah ko leh yei chait i khiah kiwa chong chnong yong katai ka thaaiñ neibhah kamwa da sakhi wa ki 9 tylli ki Cement Plant wa em da em chwa ym em wanrah ki iyi iyi i myntoi ya ki tre chnong.
Da ong leh wa ini daw wanrah chooh chooh ko yei chah ktah ki khloo ki kjam, ki um ki wah.
Wei lada pait leh yei yoh kaam yoh jaam leh du ki baar jylla donhi wa yoh katwa ki tre chnong won yoh ki du ya kiwa khian wa nai.
Hajrong kini ki yurim da dawa ka HITO wow pyndam noh ya ka Public Hearing wa da pynbait ka MSPCB u pynman.
Discussion about this post