Pyrchah ka HNYM ya ka Public Hearing ka Shree Cement | Maham leh wym toh u em kiwa khang laad ya kiwa chimbynta

Ka Hynniewtrep National Youth Movement (HNYM) Jaiñtia Region da phah ko ya khubor wa pyrchah ko ya ka Public Hearing ka Shree Cement Limited ha Lum Syrman, Elaka Nongkhlieh, East Jaiñtia Hill District kawa da booh wow pynman ha ka 31 tarik uni u bnai.

Kamtæ ka seiñ da maham joor ko ya ki bor wa pynlai ya kani ka Public Hearing lada jia iwon iwon ya ki paidbah wa hap ki wow bahkhlieh kamjooh lada em ki paidbah næ ki seiñbhalang kiwa chah khang luti kiwa mut wow lai cha katai ka Public Hearing.

Da dawa leh na ki bor sorkar wow pynbiang ki ya ki pulit khnang wa ki paidbah wa ki seiñbhalang u yoh ki u lai cha katai ka Public Hearing deiwa suk neibhah hawa ong Public Hearing toh wow e laad ya waroh kiwa kwah wow lai cha kani ka Public Hearing wei ymtoh wow em kiwa chah khang.

Khaddooh ka HNYM da pynkynmoo ko wa lada em kiwon kiwon kiwa khang luti, ka seiñ ym chong kli-kti ko wei daw boooddien ko yeini i kaam hadooh wa ki paidbah u yoh ki yei hok yong ki, pynkut ka khubor na u Bartis Pajuh, President wa u Mechan Dkhar, General Secretary ka HNYM Jaiñtia Region.

Related posts

Hap hiar biang ka lieñsuiñ ka IndiGo kawa mut wow lai cha Guwahati mar ya dep hær

November 15, 2026

Dei ya krehlang ka Mobakhon wa ka Namdong A u khang pyrchah yei pynyap khiar ya ki dohum dohwah

November 15, 2026