Shillong: Ka HYC ha ka wyrta wa da phah, da pyrchah joor ko ya ka Notification wa pynmih da ka Directorate of Commerce And Industry ka sorkar Meghalaya kawa pynbna wa ki Industrial Area ym haap de ki hapoh ki Autonomous District Council namo hapoh ka Sixth Schedule namo ym man de ki kam ki Tribal Area wei wym haap de ki hapoh kawon kawon ka Dorbar Chong næ Dorbar Hima/Elaka.
Ka seiñ da ong ko wa kani ka Notification man ko kawa bakla wei ka wymye u pdiang neibhah ha ka Paragraph 20 yong ka Sixth Schedule da batai ko ya kitæ ki Tribal Area wei ha ka Ri-loom Ynñiawtrep hi waroh lait noh ka Normal Shillong (3 tylli ki Ward kam ka Kyndelad, Jail Road wa ka European Ward) wa ki Cantonment Area toh ki Tribal Area. Tang neidaw wa ka sorkar haap thied næ chim ko ya kini ki thaw ym mut wa ym man de ki ki Tribal Area.
Ka seiñ da pynbaad ko wa da pynmih khiar hi-eh ya kani ka Notification dei thmu wow yoh myntoi samen wei wow yoh u chim kabu wa kiwa ki wymtoh ki tre jylla u yoh ki u leh katwa ngait khlem Trading License næ Labour License.
Kamtæ ka seiñ da pyrchah joor ko ya kani ka hukum deiwa kyntu ya ki District Council wow dawa wa ka sorkar toh u pyndam noh ko ya kani ka hukum.
Kani toh katkam ka wyrta na u Rhembor G Saibon, Vice President, HYC, CEC.
Also Read: Pyrchah u Andrew Shullai yei chim noh ka sorkar ya ki Industrial Estate
Discussion about this post