Pyrchah ka JRC ya ka Public Hearing ka TNE Cement yow tih moochuni ha Mynkre

Ka seiñ Jaintia Revolutionary Council (JRC) Central Body da pysñiaw ko yei pyrchah joor yei thmu pynman Public Hearing ka M/s TNE Cement Pvt Ltd yow sdang ya ka paar tih moochuni wa da e pyrtuid “Mynkre Limestone Mine” kawa heh 15.27 Hectare wa em ha chnong Mynkre, Lumshnong ka East Jaiñtia Hills District.

Ka seiñ da phah ko ya ka chithi pyrchah cha u DC ka East Jaiñtia Hills, cha u Member Secretary ka Meghalaya State Pollution Control Board (MSPCB) wa cha ka Meghalaya State Environment Impact Assessment Authority (SEIAA) deiwa dawa pynsangeh yei pynman ya kani ka Public Hearing kani ka Company.

Ka JRC da ong ko wa hadien wa puræ bniah ya ka Executive Summary Report yow tih moochuni da chem toh kawa daw ktah yei chait i khiah ki paidbah, ka um baam um dih deilang ki mrad khloo wa em ha kani ka thaaiñ.

Related posts

Chah kem 3 ngut ki dkhot ka HANM wa dawa poisa na i Hotel ha Shillong

May 21, 2026

Rs. 500 klur yow pynheh ya ki 3 tylli ki Civil Hospital | Rs. 53 klur yow pynku kyrdan ya ka Ummulong CHC | U yoh MRI ha Jowai Civil Hospital

May 21, 2026

Da ong leh wa deiwa tih ya uni u moochuni daw ktah ko ya ki 39 tylli ki chnong wa em soodong kani ka thaw.

Kani ka Public Hearing toh kawa daw pynmanha ka 13 tarik uni u bnai.