Pyrchah ka JSU yei tipmit ka JHADC ya ki jaitbru wa e kur cha u pa

Hadien wa mih ka thup wa ar ki kur ki jait wa da tipmit ka JHADC heiwa da kynthuplang ya ki kur Biate, Karbi, Hmar, Kuki wa Hadem kamtæ neiliang ka Jaiñtia Students’ Union seiñbei da pyrchah joor ko yeini wei da phah chithi ko cha u CEM kawa da pdiang da u Deputy CEM, u Lasky Rymbai yow dawa pyndam noh chisiendon yeini i tipmit.

Ka JSU da e por ko le tayaaw wow leh yeini wei lym kamtæ daw khang tala ya ka Council deiwa yahalang wa ki paidbah.

Da ong wa ini i leh ka Council daw ktah ko ya ka mynried ki khon ka Ri-loom Jaiñtia neibhah kini kiwi ki kur toh boon kiwa e jait pa katwa hapoh Jaiñtia kiwa boon toh kiwa e kur cha ka bei wei man i kaamram ka JHADC wow yada ya ka dustur ka riti yow lait u wiar jait ki kur Jaiñtia ha kawi ka sngi.

Da ong leh wa kini kiwi ki jait kur hadien habood daw chim kabu ki yeini manda yoh wow man kam ki ST deiwa yoh u thied thaw, u yoh kreh hadooh wow yaleh Election.

Related posts

Yaroh ka JAC kiwa khih Truck ya u Sniawbhalang wa kular u wow maap ya ka dan kari

May 8, 2026

Lada ym jubab ka sorkar heiyatoh wa ka Shree Cement daw lai toor paidbah cha Secretariat: JNC

May 8, 2026

Ka JSU da beiñ joor ko ya EC ka Council wa tipmit ko ya kini ki kur khlem da yaklam ya pyrkhat wa ki waheh wasian ka Ri-loom Jaiñtia.

Kamtæ da ong wa lada ka Council kwah ko u mih i bha i miat wow sñiawbha pyndam noh chisiendon yeini i tipmit ko.