Ka Khasi Students’ Union-East Jaiñtia Hills District Unit ynne ka sngi da lai ki wow yachem wa u DC ka District yow booh dei thoh pyrchah yei thmu wow pynman ya ka Public Hearing wa pynman da ka MSPCB neibynta Meghalaya Cement Limited kawa tip leh kam ka Topcem Cement kawa daw pynman ha ka 5 tarik uni u bnai ha Chiehruphi, Elaka Narpuh.
Kani ka Public Hearing man ko neibynta wow sdang ya ka thaw tih moochuni kawa tip kam ka Mooiong Thlusniang Limestone Mine wa heh 26.50 Hectare.
Neiliang ka seiñ da ong ko wa ki loom da syllen ki, ki wah dooid wa jngiar da raw ki, ka la-ær da kylla bih wei i chit da nang ku ko.
Da kylli leh cheiwon ki khloo wa rben, i kieh ki sim wei lada kamni kammon u jia ya ka pteiñ wow wan wei sa katwon tylli ki Public Hearing wow pynman yow pynjæd ya ka ramaw wei katwon sien u e laad ki tre chnong.
Ka seiñ da kjut mynsien ko leh wow kynmoo yeiwa jia ha ka Public Hearing wa dadep pynman da ka Topcem hi heiwa da chah dat chah bom ki kynthai wa ki khynnah deiwa em leh u baar jylla uwa da ong “Maro maro sale ko, khatom karo usko”.
Kamtæ da kylli wa hadooh katwon ki paradoh parasnaam yong i u e kyrchaan khlem da kynmoo ya itu iwa dadep jia hadooh wa da man mroo i pynhapoh ka ri.
Discussion about this post