Hadien wa da tip tikna yeiwa em kiwa suba toh kiwa dai drugs, neiliang ki pulit ka ANTF Meghalaya da lai kynreh ki ya i yung wa sah u Sadik Ahmed (27 snem) wa ka Arti Dorjee (28 snem) iwa em ha Nepali Compound Rilbong, Shillong heipor kamwa 10:00 waje i step ka 1 tarik.
Na ini i yung da chem soo tylli ki khieh sabon wa em i drugs Heroin wei da pyntikna leh hadien wa Test yeini da ki ANTF deiwa em kiwa sakhi.
Ini i Heroin toh iwa khia 42.10 grams.
Heiyatoh wa ini, da pynngat ya kini ki ar ngut hapoh ka aiñ NDPS Case wei da kem leh ya ki.
Ha iwi won i yoh kem ha u bnai wa dep, ki pulit ka ANTF Meghalaya da kem ki ya u Rohit Baruah (30 snem) na Dhobighat Laban ha i thaw wa tip kam i Naamghar wei na uni da yoh 9.94 grams i Heroin wa em ha iwi i khieh sabon.
Ya u Rohit da pynngat hapoh ka aiñ NDPS wei i takit dang man iwa lai chaphrang.
Discussion about this post