15 49.0138 8.38624 1 0 4000 1 https://wyrta.com 300 0
Advertisement ad1
Advertisement ad1

Pyrchah ka KSU-Narpuh Circle ya ka Public Hearing ka Star Cement

0 Comments
Advertisement ad1

Jowai: Ka Khasi Students’ Union – Narpuh Circle da pyrchah joor ko ya i thmu ka M/s Star Cement wow khut pynman ya ka pynsñiaw paidbah (Public Hearing) wow yoh u tih moochuni wow pynmih na ka 9 lak ton cha ka 25 lak ton chi snem.

Ka seiñ da ong ko wa kani ka thaw wa heh hadooh 70 hectare kawa em ha Lumshnong, East Jaińtia Hills wei da sñiaw phylla ko leh wa hapyrdi i pyrchah yong ka chnong, tangwa kani ka karkhana da thmu bait ko wow pynman ya kani ka hearing ha ka 19 tarik uni u bnai.

Ka KSU da yieñ ko leh ha ka yurim wa skem wow kyrchaan yei pyrchah ka chnong Lumshnong ya ini i thmu ka karkhana kawa da leh dei bor.

I daw wa pyrchah ka seiñ ya kani ka Hearing toh wa da booh ya ka khlem tip ka chnong heiwa ka karkhana da tyngkheiñ ko leh ya ka soskular (Agreement) wa ka chnong.

Katkam kani ka soskular ka M/s Star Cement ymye ko wow pynheh ya i tih moochuni namo wow seiñ thymme ya ki kaam hapoh u pood ka chnong khlem yohbor næ sñiawthooh hapyrdi ki arliang.

Heijooh i por ka seiñ da pyrchah ko ya ini i thmu wow pynheh ya i thaw tih moochuni toh wa daw ktah joor ko ya ki mar rep kiwa ha soodong sookun, ki sim ki doh daw dooh ki ya ka um baam um dih wei ki um leh daw sngat noh ki.

Chooh chooh ini daw ktah i leh ya ki yung bru neibhah wa daw pynemkaam da ki tiar tympdung kam ki dynamite heiwa daw kaad ki yung kamwa da jia ha kini ki snem wa dadep.

Ka seiñ da kyntu ko leh ya ka MSPCB lyngba ka yung krehkaam u Deputy Commissioner East Jaiñtia Hills wow pynsangeh chwa ya kani ka kaam yow lait na i awri awra.

Advertisement ad1

0 Comments

Leave a Reply