theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1
Advertisement ad1

Pyrchah ka KSU yei jied da kiwa na baar wow mihkhmat ya ka Meghalaya ha ki yalehke

Advertisement ad1

Ka KSU Central Executive Council ha ka kyrwoh wa da phah da kyntu ko ya waroh ki liang wa yalehke lane ki Sports Association; wa kiwa yalehke wa kiwa mihkhmat ya ka jylla Meghalaya toh u man bait ki ki tre chong, tre jylla wei ym toh wow e wow yalehke da ki wym toh ki jaitbru ka jylla wei ym toh wow e laad da kiwa na baar jylla.

Da ong wo hanla kini ki baar jylla man ki kiwa da pnah wow yalehke, wei kiwa wanrah naam jop ya ka jylla tangwa i angnood wa i thmu toh wow kyntu ya ki khon khynroo ka jaitbru ha ka yalehke. Wei i wanrah ya kiwa yalehke kiwa na baar lane deiwa e laad ya kiwi ki jaitbru wow yalehke na ka jylla daw man ko i dooh laad ya ki khon khynroo ka jaitbru wei daw pyndooh mynsien ya ki khynroo ka jylla wow pynbniah ya ka sap yalehke wa em ki.

Ka KSU da kyntu ko ya ki Association kam ka Meghalaya Cricket Association, ka Meghalaya Basketball Association wa kiwi kiwi wa lada em i jied ya kiwa yalehke wow mihkhmat ya ka jylla toh u pynpsiah bait da ki Khynriam, Pnar, Bhoi, War, Maram, Lyngngam wa ki Garo wei wow kyntait bait plak ya ki baar jylla hanla toh kiwa pliah bha, hanla toh kiwa chong chnong kiwa em ya ka Residential Certificate wot lada man ki kiwa yoh kurim da ka Khasi leh.

Da ong leh wa kam chibynta wow e mynsien ya ki khon khynroo ha ka Sports, ka KSU e ko ya ka khubor wa man ko kawa smat wow pynyoo da ki kaam wa eh lada em kiwa chah kyntait ki khynroo ka jaitbru wow mihkhmat ya ka jylla neibhah ka seiñ ka sñiawthooh ko wa lyngba i yoh laad ki khynroo ka jylla wow ku rynsan ha ki yalehke waphær waphær daw yarap bha ko ya ki ha ka liang kamai ja-kpoh wei daw e mynsien leh ya ki diah khian kiwa thrang wow yieñ ha ki kjat yong ki hi lyngba ki kaam yalehke.

Ka kyrwoh na u Donald V Thabah, General Secretary ka Khasi Students’ Union.

Share this:
Previous

Da sdang ya ka Elaka Lakadong Sports Association

Next

Psiah Semi Final ka Ratacherra Lumtrom ha ka Elaka Narpuh Football Tournament Champions 2021