15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Pyrchah ka KSU yei thmu wow pyndam ya ka Result ki khynnah wym yoh dawai Ñiangpyrchit

0 Comments
Advertisement ad1
Advertisement ad1

Shillong: Ka KSU seiñbei da pynsñiaw ko yei khyrngiat wei pyrchah joor hajrong i rai ka sorkar lyngba ka Notification Order yong ka yung krehkaam u Deputy Commissioner uwa man leh u Chairman ka District Health Society, National Health Mission East Khasi Hill District kawa phah ya waroh ki bor skur wa ki Rangbah Shnong ka District lyngba u District School Education Officer wow dam u pynmih ya ka result yong ki khynnah ki wympu yoh ya ka Measles Rubella (MR) Vaccination Campaign 2018.

Ini, katkam wa ong ka seiñ da yooh ko yei hok yong ki khynnah skur.

Ka seiñ da ong ko wa ka sorkar toh u pynsñiawthooh paidbah ko hajrong i emkaam wow e ya ki dawai MR Vaccine namo ka e dawai Ñiangpyrchit ym wow pyndooh ya i hok ki khynnah deiwa ym pynmih ya ka Result yong ki.

Ini man i i doohnong ya kiwa boon ki khynnah hapoh ka District waroh kawi.

Ka seiñ da dawa ko leh ya ka sorkar wow pyndam noh ya kani ka Notification neibynta i myntoi ki khynnah puræ.

Ka sorkar toh u thooh ko da kiwi ki laad ki luti wow pynsñiawthooh ya ki manbei manpa wa ki khynnah lada man sakhiat i iwa emkaam ya ini i e dawai.

Share this:
Previous

Ki kaam chah thok chah tooh na kylleiñ ki jylla

Next

Wan wai u Nujorki Sungoh yaka yaaw pynyoo rong ya ki kor rep wa dai ka sorkar hei dor wa duna