Shillong: Ka seiñ ki tre thaw wa ki Rangbah Shnong yong ka thaaiñ Nongstoin, Rambrai wa Kyrshai hapoh ka lama, Landowners & Headmen Association (LHA) da pynsñiaw ki yei sñiawkhia hajrong i ekti noh ka sorkar wow chna ya ka sarok Two Lane cha ka National Highway Infrastructure Development Corporation Limited (NHIDCL) kawa toh ka project yong ka SARDP-NE.
Kiwa yahkhmat kani ka seiñ da lai yachem ki ynne ka sngi ya u Montri wa pait ya ka tnat PWD (Roads), u Prestone Tynsong wow pynsñiaw yei sñiawkhia hajrong kani ka rai yong ka sorkar khlem da pyntip lang cha ka seiñ yong ki.
U Publicity Secretary ka LHA, u B R Thabah da ong u wa sñiaw artatien ki wa kani ka rai yong ka sorkar daw ye ko u pynslem chooh chooh wow chna ya kani ka sarok.
Da pyntip u leh wa i chna ya ka sarok Two Lane na Nongstoin-Rambrai chadooh Kyrshai da dep mynjur da ka Union Ministry of Road Transport and Highway nadooh ka 25 tarik Naikhynde 2015, hadien wa dadep pynkhreh ya ka DPR da ka Holtec Company wa na Gurgaon.
U Thabah da ong u leh wa i chim thaw wow chna ya ka sarok da leh da ka yungkrehkaam u Executive Engineer ka PWD (Roads) wei i e kti cha ka NHIDCL da ka sorkar ym sñiaw yahaap neibhah wa waroh chi kattu da chim da ka PWD.
Katwa neiliang u General Secretary, u G Marwein da ong u wa ini i leh yong ka sorkar daw pynslem chooh chooh ko ya i thmu wow wanrah ya ka sarok wa bha cha ka thaaiñ wei kani ka seiñ da dawa ko leh na ka sorkar wow booh ya kawi ka tnat krehkaam ka NHIDCL ha Nongstoiñ wow rap smat i krehkaam wei heijooh i por u Marwein da kyntait u wa kani ka sarok toh kawa ye u poi cha ki thaw wa em Uranium.
Da pyntip u leh wa ya kani ka sarok na Nongstoin-Rambrai-Kyrshai, kawa jrong kamwa 70 KM wei da mang poisa neibynta kani ka sarok da poi ko cha ka T. 800 klur.
Discussion about this post