15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Da wai ya ka website wow pynsuk ya ki khynnah wa lai class IX wa X

0 Comments
Advertisement ad1

Shillong: U MLA ka Gambegre, u Saleng A Sangma ynne ka sngi da pyllait u ya ka Website wa da tip kam ka edurial.com neibynta wow pynsuk ya ki khynnah puræ ha ki le tylli ki subject wa kynthup ya ka Maths, Science wa Computer Science yong kiwa puræ Class IX wa X.

Hawa yaklam wa kiwa pathai khubor, u Saleng da ong u wa i pyllait ya kani ka Website toh neibynta wow yarap ya ki khynnah skur khamtam kiwa duna ha ka yoh ka kot wei ki wym ye u su ya ka bai lai khreh kot.

Da ong u wa kani ka Website daw yarap ko leh ya ki khynnah khamtam cha ki thaaiñ nongkyndong wow yoh ya ka sikai kawa paka yow lait nei pynemkaam ya ki kot yarap (Guide Book).

Da ong u kani toh i sdang donhi wei ya kani ka website da pyllait leh ha ka ktien Khasi, Pnar wa Garo khnang wow pynsuk chooh chooh ya ki khynnah skur.

Ya kani ka website da chna da i krehmon sñiawbha ki kattu katni wa kynthup ya u Saleng A Sangma, ka Natalia Shullai wa u Hamis Syiemlieh nalor kiwi ki dkhot kiwa embynta lang.

Neiliang ka Natalia Shullai da ong ko wa katni kani ka Website toh du neibynta ki khynnah wa puræ ka Class IX wa X, tangwa daw pyrchang ki leh ha ki por wow wan neibynta kiwa puræ Class XI wa XII wei daw pyrchang leh wow sdang nadooh ka Class VII wow yoh yarap chooh chooh ki khynnah skur.

Chooh chooh da pyntip ko wa i su wow pynemkaam ya kani ka website man i iwa khian bha iwa T. 3 chi sngi wei i sikai ha kani ka website u man ki da ki Video khnang wa ki khynnah u sñiawthooh ki rap bha.

Da pyntip leh wa ki Syllabus næ ki lynnong kot ym man yong kiwon kiwon ki Board wei da chim bait katkam ki lynnong yong ka NCERT wei kiwon kiwon ki khynnah ye ki wow pynemkaam ya kani ka website.

Advertisement ad1
Share this:
Previous

Dawa u MLA ka Jirang Constituency wow e Civil Sub Division ya ka Western Ri-Bhoi

Next

Pyrchah ka LHA wa ekti wow chna ya u sarok Nongstoin-Rambrai-Kyrshai cha ka NHIDCL