Ki ar seiñ kitæ ka MPUF East Jaiñtia Hills District wa ka JYF East Jaiñtia Hills District da pyrchah ki yei thmu ka sorkar wow ekti ya ka chnat saam bordiñ cha ki Company ki bru samen neidaw wa daw ktah ko ya kiwa dooh wa duk neibhah ki seiñ da tip skem ki wa ki Company hi u pyrkhat bait ki yei yoh nong wei yeini daw khloh ki na ki paidbah wa sa iwi leh kthah ko ya ki wakreh yong ka chnat saam bordiñ wei daw pynku yaka bai bordiñ ar chah kamtæ da kyntu joor ya ka sorkar wa toh u pait ko dei miat chwa wow leh ko ini i kaam wei wow ap leh yei sur ki paidbah.
Kamtæ ka MPUF waka JYF ym e laad ko wow poi da ki Company kam heini i por wa dooh kaam dooh jaam ki tre jylla wei daw wan sa du ki baar jylla, da ong u President ka MPUF ka East Jaiñtia u Kyrshan Blah, da pynrap u deiwa ong wa da yoo ya ini deiwa em ki Company ha East Jaiñtia Hills District.
Da kdaw u leh wa ha ki Company wa em ha ka District wa heipor wa lai thooh kreh ki bru yong i, da hap wow yang da ki bnai hadien wa ym em kreh wa lait katwa manda wan da ki baar jylla, ar sngi da yoh kreh, kamtæ ka sorkar hap ko u pyrkhat sani bha yei bha i miat ki paidbah heiwa dang boon bha ki bru yong i ha ka jylla wa da dep ki kyrdan waphær waphær wym em yoh khih yoh kreh ki hapoh ki Company katwa ki baar jylla ki wym em kyrdan leh yoh khih bait ki.
Ka kyrwoh wa da pynlait da u Kyrshan Blah.
