Pyrchah ka Narpuh Elaka ya ka Eco-Sensitive Zone yong ka Narpuh Wildlife Sanctuary

Jowai : Ka Narpuh Wildlife Sanctuary ka wa dep pynbna paidbah ha uni u snem wa dep da man ko ka “Protected Area” namo ka thaw wow yada ya ki mrad wa nyngkong dooh ha ri-loom Jaiñtia. Ya u pood u ang kani ka Wildlife Sanctuary da sdang na ka wah Lukha wa kynthup ya ki khloo wa jooh man leh kam ka Reserve Forest.

Katkam ki kyndon wa da booh ka Ministry of Environment and Forest (MoEF) ha waroh ki National Park wa ki Wildlife Sanctuary cha palat u pood yong ki emkaam leh sa ka Eco-Sensitive Zone.
I heh ka Eco-Sensitive Zone ha ka Narpuh Wildlife Sanctuary toh 142.60 Sq.kms ka wa em ha ki thaw jngai ko 100 M hadooh 7.58 Km na u pood yong ka Wildlife Sanctuary. Ya kini ki Eco-Sensitive Zone emkaam ya ki yow yada ya ka Sanctuary na ki kaam pynroi pyrthai nadooh ki chna yung, chna surok, cha kharkhana wa kiwi kiwi kiwa daw ktah yei man i long i khloo khamtam ya ki mrad wa em hapoh ka sanctuary.

Katkam ka khubor wa yoh na u ma J. Dhar, General Secretary Elaka Narpuh da ong wa kani ka Eco-Sensitive Zone daw ktah joor ko khamtam ya ki warep ki wa em kpær em lyngkha næ ki bri ki wa daw haap hapoh kani ka Eco-Sensitive Zone.

Kiwa kreh ha ka tnat Forest ha kani ka 8 tarik da dep yachem biang ki wa ki paidbah ha Lumchnong yow pynche yei thmu wa ki kyndon yong kani ka Eco-Sensitive Zone katwa ki paidbah ka Elaka ym ye ki u pdiang ya ki kyndon yong kani ka Eco-Sensitive Zone.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Da ong chooh wa lada ka sorkar ym sangeh ko yei thmu u booh ya kani ka Eco-Sensitive Zone ka Elaka daw thooh laad ko u pyrchah ya ka yow lait ki paidbah u chah kdoh ha ki kyndon ka bor ka tnat Forest Wildlife.