15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Pyrchah ka RUDS yaka Public Hearing ka Star Cement yow yada yaka bei rymaw

0 Comments
Advertisement ad1
Advertisement ad1

Khliehriat: Hadien wa ynnin u snem i pyrchang wow pynman yaka pynsñiaw paidbah namo ka Public Hearing ka M/s Star Cement Meghalaya Ltd. yei thmu yong ka wow sdang yaka paar moochuni wa heh kamwa 42.051 Hectare ha chnong Brishyrnot, East Jaiñtia Hills da pyndam yaka, ha kani ka kynti, ka Meghalaya State Pollution Control Board da pynbna biang ko wow pynman biang ya kani ka Public Hearing haka 30 tarik uni u bnai.

Kamtæ ka Rural & Urban Development Society (RUDS), East Jaiñtia Hills District, da pyntip ko wa yieñ skem ko wow pyrchah joor ya kani ka Public Hearing ka Star Cement hajrong ka yurim wa i thmu wow tih moochuni kani ka karkhana em ko hajan ka Narpuh Wildlife Sanctuary wei i thaw leh haap i hapoh ka Eco-Sensitive Zone wei heijooh i por leh jan bha i wa ka wah Lukha iwa daw ktah bha yaka wah wa kiwa im hapoh yong ka.

Da ong leh wa ini i thmu wow tih moochuni da jan bha i cha i thaw sah ki bru wei daw ktah ko leh chiboon bha ya i chait i khiah yong kini ki bru ha kani ka thaw na ki pum pum iwa daw ktah yei riñ mynsien.

Chooh chooh da ong wa kani ka karkhana ym em bood ko yaki kyndon wa da soi soskular kam wow thung kaam thung jam ya ki tre chnong wei ym em yoh myntoi wei da wanrah pathan ko du ya i pynjæd yaka bei rymaw.

Hajrong kini ki yurim, ka seiñ da dep thoh ko yow pyrchah ya i thmu ka Star Cement wow sdang yow pynheh ya i tih moochuni cha ka Meghalaya State Pollution Control Board, Shillong. Wei da kyrpaad leh naka wow pyndam pynpep ya ini i thmu yong ka.

Ka kyrwoh wa pyllait da u President ka seiñ u Haranki Syrti.

Share this:
Previous

Khut sñiawbha u DC wa u DSO ya kiwa kwah chimbynta haka Meghalaya Day Run 2020 ha West Jaiñtia Hills

Next

Pyrchah ka UHM-KC wow tih moochuni ka Star Cement na Brishyrnot