15 49.0138 8.38624 1 0 4000 1 https://wyrta.com 300 0

Pyrchah ka Seng Samla Shnong Umkiang yei thmu tih moochuni ka Star Cement ha Brishyrnot

0 Comments
Advertisement ad1

Jowai: Ka Seng Samla Shnong Umkiang (SSSU), da pyntip ko wa ka pyrchah joor ko hajrong i thmu ka Star Cement wow sdang tih moochuni sa ha chnong Brishyrnot.

Ka seiñ da ong ko wa nadooh ki snem 1997- 2002 ym jooh em i ktah, i kylla rong ka wah Lukha namo i yap khlam ki dakha, doh um, tangwa nadooh u snem 2005 da mih ki karkhana pynmih khyndaw-bilat, da sdang wow yap khlam ki dakha, hadooh wa boon ki bru wa dooh wa duk ka chnong Sonapur, Chymplong  Borsara, Kuliang wa Umkiang kiwa jooh im nong sngi deiwa dai dakha wa yoh khwe ki naka wah Lukha, tangwa katni ym ye de ki wow kyrchaan yaka yung ka sem kamwa jooh leh ki nachwa, neidaw wa katni man ki snem em i yap khlam ki dakha.

Advertisement ad1

Chooh chooh ka seiñ da ong ko wa i tih ya u Moochuni ha Brishyrnot, daw pynkylla ktieh ko ya waroh lynter ka wah Lukha wei kamjooh leh daw em chiboon i tympra ya ki khloo wa ki dieñ ki siej, kiwa yarap wow rieh sngi ki bru ka Elaka Narpuh hi waroh kawi.

Kiwa kitkaam ka seiñ da ong ki leh wa pyrchah joor ki ya ini i thmu ka sorkar wow e laad ya kani ka karkhana wa wan poi baam suk chi sngi, wei da kyntu joor yaka Sorkar Meghalaya wa ka Forest Department wow pait jngai wow khang chisyndon ya i thmu i wym em i tiplang ya i bha i miat ka khia ka chon ki chnong wa em hapoh ka Eleka Narpuh, wei lada kani ka Star Cement kawa katni pyrchang ko wow pynbiej ya kiwa boon kiwa kitkam chnong da ki kular ki wym mih soh heiwon heiwon leh nadooh wow e kaam e jaam wa kiwi kiwi, kam ka Seng Samla Shnong Umkiang (SSSU) u pyrchah joor yaka Public Hearing, ka wow pynman ha kani ka 19 tarik, ha ka chnong Brishyrnot.

Ini toh katkam wa pyntip u President u Shanbor Dhar wa u General Secretary u Elend Mynthlu.

Advertisement ad1

0 Comments

Leave a Reply