Jowai: Ka Synjuk Waheh Shnong Ri Jaintia, Laskein Block Unit da thoh ko ynne ka sngi cha u montri wa pait yaka C&RD Department ka sorkar jylla yow pynsñiaw yei pyrchah yei chah kyrriah kaam u Block Development Officer (BDO) ka Laskein C&RD Block.
Ka Synjuk da pynsñiaw ko ya i sñiawsih ya iwa da leh ka sorkar wow kyrriah noh ya u BDO neidaw wa man u u bru wa stat wa chemphang kamjooh uwa chlur ha ki por wa tbian wa kreh u kam u BDO.
Da ong leh wa kam u sahep MCS wa yaar u yoh BDO kam oo uwa ym em tieñ wow yaleh heiyatoh wa ki kaam kajia pood wei da leh u ha i tæ i rukom wa biang bha uwa ym em pait chilliang wow pynku leh kamjooh yaka Block wa waroh ki chnong wa em hapoh yong ka wei da pynlut por u leh wow pynsñiawthooh paidbah ya ki Scheme sorkar deiwa pynman ya ki yalang paidbah wa boon jait.
Kamtæ ka Synjuk da sñiaw ko wa i chah kyrriah uni u BDO man ko ka dooh nong kawa joor yaka Block uwa da kreh chitom wow wanrah yei kylla wei da kyntu ya u montri wow pyrkhat biang ya i chah kyrriah ya uni u sahep.
Ya kani ka jooh ka chithi da phah cha u C. Ymbon, Minister In-charge of Fisheries, cha u MLA ka Mowkaiaw Constituency u N. Sungoh wa cha u DC ka WJH.
Discussion about this post