15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Pyrchah ki ar seiñ wow booh Tollgate ka NHAI ha u sarokbah NH-44

0 Comments

Jowai: Ki artylli ki seiñbhalang na ri loom-Jaiñtia ka HANM Jaiñtia Hills Unit wa ka HYC Jaiñtia Hills Unit ki da yieñ pyrchah ki hajrong i thmu yong ka NHAI wow chna ya ki artylli ki Tollgate ha ri-loom Jaiñtia kawi ha Ynñiawmer, West Jaiñtia Hills wa kawi won ha Lumshnong, East Jaiñtia Hills.

I daw wa pyrchah toh neidaw wa wym yahaap u booh Tollgate hajrong ka yurim neidaw wa uni u sarok da pynheh ya oo malu mala, i chna du ya ki dooid wa em ha rood u sarok wei da siang psiang ya oo.

Advertisement ad1

U M. Suchiang, Vice President ka HYC Jaiñtia Hills Unit da ong u ka seiñ ym sñiaw yahaap ko wow chna ka NHAI ya ki Tollgate wei toh u sangeh noh wow chna ya ki wei lada pait cha kiwi ki jylla da em ki sarok wa boon wa heh bar ya uni u sarok wa em ha i wei ha ki ym em booh Tollgate ki katwa heini won lada em kani ki Tollgate da man ko i chah ksih ki paidbah.

U President ka HANM Jaiñtia Hills Unit won u S. Suchen da ong u wa ka seiñ dadep thoh ko cha u PWD Minister nadooh ynnin snem wa pyrchah ki yei thmu ka NHAI wow booh ya kini ki Tollgate tangwa ka sorkar won ym em ap ko yei dawa ka seiñ. Yoosar kwah ko dei mih madan yow pynyoo bor neibhah ki arseiñ ym sñiaw yahaap ki wow booh ya kini ki Tollgate.

(Feature Image-Representational) 

Previous
Next

0 Comments

Leave a Reply