15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Pyrchah ki le seiñ yei kær naarchieh wei emkaam leh u yasuk chwa

0 Comments
Advertisement ad1

Jowai : Ki le tylli ki seiñbhalang kiwa kynthup ya ka Khasi Jaiñtia National Union (KJNU), ka Meghalaya People United Front (MPUF) wa ka All Hynniewtrep People United Front (AHPUF), ha ka khubor wa pynmih na u President ka KJNU da ong wa kam ki seiñ wa pait ya i bha i miat kamjooh leh ya ka mynried yong ka jaitbru khamtam kiwa sah cha jan khappood, da pynsñiaw kini ki le seiñ ya i sñiawsih wa joor yong ki hadooh kattæ kattæ yei thmu wow kær naarchieh hadien wa da pyndep ya ka survey ya ki kattu katni ki thaw khappood ka Meghalaya wa ka Bangladesh khamtam ki bynta wa em ha ri-loom Jaiñtia neibhah boon ki tre thaw daw chah ktah ki.

Neiliang yong ki le seiñ kiwa da dep wan yachem wa ki bor sorkar hajrong i eh wa tyngkhooh ki tre thaw nei kær naarchieh da pyntip wa ka sorkar leh smat ko wow yachem wa ki paidbah yow sñiawthooh yumut pynarliang.

Chooh Chooh kini ki le seiñ kwah ki u yachem lang wa kiwa chong chnong kiwa daw chah ktah hei kær naarchieh hadooh wow lai leh cha ka Sorkar Bei neibynta wow pynyoh ya ki thaw ki bhaw yong ki iwa man i hok yong ki nadooh i por yong rim.

Kini ki le seiñ leh kwah ki u man kam kiwa pynyasuk ha pyrdi ka sorkar wa ki tre thaw yow ye u pynman ya i kær naarchieh iwa hun ki paidbah kamtæ kini ki le seiñ da kyntu ki leh ya ki paidbah wow wan yachem ki wa ki heh kani ka seiñ yow ye u lai cha khmat ha ini i kaam.

Da ong leh wa ki le seiñ ym em kynnoh ki yei yi yei yi tangwa ki kwah ki wa i thaw wa em hapoh ka ri yong i u neh i hapoh ka ri yong i hi.

Share this:
Previous

Da mana wymhoi u pynemkaam ya ki kor heh hawa tih moochuni

Next

Wan wai u R.C. Laloo ya ka Indoor Sports Hall ka Ladthadlaboh ynne ka sngi