Pyrchah ki MLA ka VPP yei thmu ka sorkar wow booh karkhana ha CTI Byrnihat

Ki MLA ka Voice of the People Party (VPP) da pyrchah joor ki yei pynkhreh ka sorkar jylla wow chim noh ya ka CTI ka chnat Soil and Water Conservation wa em ha Byrnihat yow booh da ki karkhana namo ka Industrial Estate ha katai ka thaw.

Hawa wanrah ya ka phang yatai ynne ka sngi hapoh ka yung dorbar chna aiñ, u MLA ka Mawryngkneng, u Heavingstone Kharpran da ong u wa ki kaam pynroi wa ka rymaw hap ki wow ya lai lang chirup.

Da ong u wa i pyndam noh ka sorkar ya ka CTI na Byrnihat kawa da em ki dieñ ki siej kiwa yirngam, daw pynsyllen ko ya katai ka thaw wei ini daw ktah ko ya ka rymaw wei khamtam ya ki bru.

Da kylli u wa lada ka sorkar pynchong yurim bha ko namo ym em deiwa yasyllok wa ki bru katai ka thaaiñ hajrong ini.

Related posts

Tyrwa u MP ka BJP wow pynkylla noh yei pyrtuid ka New Delhi Railway Station hei pyruitd u PM warim ka ri

July 7, 2025

Em kiwa chet kylla ya ka jaitbru Ynñiawtrep yow e laad ya kiwa na baar yow chongdai ki: HNLC

July 7, 2025

Da ong u leh wym em pyrchah u yeini tangwa toh u pyrkhat leh ya ka rymaw.

Hawa pynrap hajrong kani, u MLA ka Nongkrem, u Ardent Miller Basaiawmoit da ong u wa ka VPP dadep e ko dei thoh cha u Montri Rangbah hajrong ini tangwa ka sorkar ym em e jubab ko iyi iyi.

Da ong u wow wanrah chooh chooh ya ki karkhana ha ka thaw wa da tngit chwa daw kynton chooh chooh yei sih ka rymaw.

Neiliang won u MLA ka Jirang, u Sosthenes Sohtun da pynsñiaw u wa ki paidbah ka thaaiñ Byrnihat kawa haap ha ka Constituency yong oo, ki bru da sñiaw tieñ ki du wow mih i kyntien karkhana.