U Montri wa pait ya ka Municipal Administration Department, u Sniawbhalang Dhar da ong u wa ka chnat da pyrchang ko katwa ye wow pyndooh noh ya i eh heiyatoh wa i thaw noh-jhep na sor Jowai, deiwa kyntu ya kiwa chong chnong wow yaichah chipor wa ka sorkar.
Da ong u wa ka chnat da pait bniah ko ya ki 3-4 tylli ki thaw, tang kiwa chong chnong yong kini ki thaw da pyrchah ki yeini i thmu, heiwa da pyntip u leh wa ya katni ka chnat dang pynkhreh ko ya i thaw wa chipor wow noh ya i jhep.
Da ong u wa ki sahep ka chnat dang kreh chitom ki wow pyndooh noh ya i eh i khoo neibhah wa i jhep da neh i chithaw ha Jowai, da ong u leh wa hanla ka sorkar da yoh thaw ko tangwa em i pyrchah na ki paidbah, wot hadien i pynsñiawthooh paidbah wa ym em iwon iwon i chah ktah.
Neiliang u Sniawbhalang da kyntu u ya ki paidbah wow krehlang wa ka sorkar neibynta wow pyndooh chisiendon ya ini i eh i khoo waroh, heiwa da pyntikna u leh wa i thaw wow pynemkaam ya ki jhep ym ktah ki ya ki paidbah neibhah daw man i katkam ki stat ka juk katni.
