Pyrchah kiwa lai puræ ka NEHU yei pynbna chuti chiteiñ sngi

Kiwa lai puræ ka NEHU hapoh ka lama ka NEHUSU da pynsñiaw ki yei pyrchah yei pynbna sngi chuti chiteiñ sngi da u Vice Chancellor kani ka skurbah kam chibynta wow wai yaka Ram Temple ha Ayodhya haka 22 tarik uni u bnai.

Ka NEHUSU da ong ko wa ha ri India da klam che hapoh ka Constitution wa i synchaar khadar man ko ka wym emyatoh wa kawon kawon ka niam wei ym leh chilliang leh ya kawon kawon ka niam wei ymtoh leh u ktah ya ki thaw puræ.

Da ong leh wa ini i wai yaka Ram Temple ymtoh u embynta næ wow pynman da ka sorkar wow yachah cha kawon kawon ka niam, kamtæ ini i pynbna chuthi man ko iwa pyrchah yei thong ka riti synchaar ka ri kamjooh ki yurim ka NEHU wa da yieñ wei ymtoh leh u mylliñ ya ki phaw snem wa da jia ki mynsoo mynsnaam du wow chna ya kani ka Temple.

Kamtæ da ong wym ye u pdiang ya ini waroh wa leh da u Vice Chancellor wei toh u pyndam noh ya kani ka e chuti wei lada chem wa ki yung krehkaam ka NEHU man ki kiwa khang haka 22-01-24 neiliang kiwa lai puræ daw khang syndon ki yaka NEHU wei ym chah u wai kawon kawon ka yung krehkaam kat wym pu pyndooh yeini i kaam niam hapoh ka University.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ka NEHUSU da pynche ko leh wym em yachah næ pyrchah ko ya kawon kawon ka niam tangwa ym pdiang won ko dei pynbor ya kawon kawon ka niam hapoh kani ka skurbah da ki bor wa pynlai ya ka.

Puræ leh: E chuti chiteiñ sngi ka sorkar haka 22 tarik