Jowai : I pyrchah yei chah kyrriah kaam u Arunkumar Kembhavi kam u DC ka West Jaiñtia dang joor i kat dang mih ki sngi.
Ha kani ka kynti ka Mowtyrshiah Youth Welfare Organization (MYWO) da pynsñiaw ko yei pyrchah wa joor hei yatoh weini i leh ka sorkar.
Ka seiñ da ong ko wa uni u DC toh uwa kreh na mynsien ha waroh ki kaam neibynta ki paidbah ka West Jaiñtia Hills ya i waroh wa chaniah ki ha oo.
“Hapoh i yahkhmat yong oo da ye u pyndep 90% ya ka yingkieñ Kureliya kawa da sahteiñ da ki phaw snem, da pyrchang u leh wow wanrah chiboon i kylla ha Loom Tiniang Park, wa kiwi ki thaw ka District” da ong ka seiñ.
Da ong ko wa da chem wa ka District Selection Committee da khooid bha i rukom krehkaam ko hapoh i yahkhmat uni u DC.
Kamtæ ka Mowtyrshiah Youth Welfare Organization kyrpad ko ya ka sorkar wa khamtam ki MLA ka West Jaiñtia Hills wow pynneh biang ya uni DC neibynta ka District waroh kawi.
Discussion about this post