Ki le tylli ki seiñ wa kynthup ya ka Jaiñtia Women Council (JWC), ka United Youth Organization (UYO) waka All Jaiñtia Environment Organization (AJEO) da phah chithi ki cha u Member Secretary ka Meghalaya State Pollution Control Board (MSPCB) lyngba u DC ka East Jaiñtia Hills District ynne ka sngi yow pyrchah yei thmu wow seiñ ya ka karkhana pynmih khyndaw-bilat wa tip kam ka Meghatop Cement ha Wahiajer, EJH.
Kini ki le seiñ da pyrchah ki yei pynman ya ka Public Hearing ha kani ka 18 tarik da ka MSPCB neibynta wow paan bor yow sdang ya kani ka karkhana wa thymme.
Ki daw wa da pyrchah toh neidaw wa da em chwa la 10 tylli ki Cement Factory hapoh ka Elaka Narpuh kiwa da pyntngit pynjakhlia ya ka ramaw nadooh ka la’ær wa ki um ki wah kam ka Lunar wa Lukha najrong wa kani ka thaaiñ em ko leh ya ka Narpuh Reserve Forest wa ka Wildlife Sanctuary wei deiwa wan sa kawi ka karkhana daw ktah chooh chooh ko yeini waroh.
Da ong leh wa ka sorkar ym em hi leh ko yeiwa emkaam yow yada ya kani ka thaaiñ deiwa e u mih roi kini ki karkhana.
Da pynkynmoo leh wa hanla em chiboon kini ki karkhana, ym em ye wow kyntu kynrong yei kamai kajih kiwa chong chnong kamjooh ym em yoo ya ka roi ka paar wei ym em hi leh yoh kreh ki khynroo khyllood næ iwon iwon iwa yarap ya ka chnong ka thaw.
Da kyntu leh ya ka sorkar wow pynchitom ya kini ki karkhana lada ym ye ki wow e kreh 100% ya ki khynroo khyllood ka thaaiñ.
Kamtæ da ong wa hap pynsangeh yei sdang sa kawi ka karkhana ha thaaiñ Wahiajer neibynta i bha i miat nadooh kiwa chong chnong, ki khloo ki kjam wa ki sim ki doh.
Puræ leh: Pyrchah ki soo seiñ yei sdang sa kawi ka Cement Factory hapoh ka Elaka Narpuh
Puræ leh: Dawa ka JNC wow pyndam yaka Public Hearing ka MeghaTop Cement ka wym pu yoh tang ka NOC
Discussion about this post