Jowai: Ka JNC-Khliehriat Circle ynne ka sngi hadien wa yoh ujor na ki paidbah heiyatoh wa i chna ya ka Mandir ha Khliehriat East heiwa ya kani ka mandir da chna ha i thaw sorkar wei da chna leh da i yung paka da i khyndawbilat. Ka JNC-KC da lai booh dorkhat ko wow kyntu ya u DC ka East Jaiñtia Hills District, wow phah sangeh chisyndon ya ini i chna ya ka Mandir ha i thaw sorkar.
“Ka East Jaintia Hills District toh ka District kawa dang thymme, chiboon ki chnat sorkar waphær waphær daw poi ki ha kani ka District. Ka sorkar em ko duna i thaw hapoh ka District khamtam ha Headquarter ka District. Lada ka sorkar u e laad ko ya kiwon kiwon ki jait niam wow chan thaw mane Blai ki daw booh ko yei eh ya ka sorkar wow yoh thaw ko hadien habood wow chna ya ki yung krehkaam ka sorkar kiwa boon ki paidbah dang emkaam ki,” ong u President ka JNC-Khliehriat Circle u Skhemmon Lapasam.
“Ki paidbah ki ym em ki iwon iwon i pyrchah wow chna ya kiwon kiwon ki thaw mane Blai neibhah man ko ka hok yong ki hapoh ka ri India, tangwa ym toh won wow chna ha i thaw sorkar, neibhah ka ri India ym toh kawa pait chilliang heiyatoh waka niam, lada chna ya kiwon kiwon ki thaw mane Blai toh u yoh bor lada ha ki thaw ki bru samen na ki tre thaw yow lait u mih kiwon kiwon ki jait ujor,” da ong won u Emanuel Bhoi, General Secretary JNC-KC.
Also Read: Maham sliah ka KSU ya ka mandir wa dang chna ha thaw sorkar ha Khliehriat
Discussion about this post