U heh ka BJP ha Meghalaya uwa man leh u Chairman ka State Government Programme Implementation & Monitoring Committee (SGPI&MC), u Alexander L. Hek, da pyrchah wei da beiñ joor u ya ka Social Media Advertisement wa ong “Tales of Kamasutra & Christmas Celebration” ha Goa.
Ha ka chithi wa thoh ynnin cha u Chief Minister ka Goa, u Dr. Pramod Pandurang Sawant, u Hek da batai u wa kani i Poster hei pyrtuid ka Bhagwan Shree Rajneesh Foundation toh iwa man khlemakor.
Da ong u wa kam ini toh i wym ye u pdiang ha ka imlang sahlang khamtam ya kiwa ngait niam Christan.
U Hek da kyntu u ya u Chief Minister wow pyntikna wa pyndam ya kani ka yalang wa thoh ha ka Poster deiwa kyrpaad wow pynchitom ya kiwa emkti lada man iwa sakhiat.
Chooh chooh da ong u wa ini da man iwa sñiawkhia wei da emkaam wow leh yeiwa emkaam wut-wut hajrong ini.
Discussion about this post