Ka nongbah Delhi da yooluti ko wow yoh ya u slap kyndeh namo Artificial Rain wa nyngkong hadien wa ka lieñsuiñ wa kyrpang da leh ko ya ka Cloud Seeding deiwa mih hær ko na Kanpur cha ka Delhi ynne ka sngi.
Ya ini da pyntikna leh da u Montri ka Delhi, u Manjinder Singh Sirsa ynne ka sngi kamjooh da ka Montri Rangbah, ka Rekha Gupta.
Ka Cloud Seeding kynthup ko wow pynlait ya ki lakhit (Particle), kam i Silver Iodide Crystals næ Salt-Based Compounds ha suiñ yow man kam ki symbe wow lang u la’oh chwa wow hiar u slap.
Hadien ka Diwali, i jakhlia ka la’ær namo ka Air Quality Index (AQI) ha Delhi wa ha National Capital Region (NCR) da sih bha ko heiwa da em ki bynta wa kynjoh Stage 2 ka Graded Response Action Plan (GRAP).
Katkam ka Central Pollution Control Board (CPCB), ka AQI ha Delhi man ko 304 hadooh 1:00 waje ynne i sngi iwa man ‘Very Poor Category’.
Ka Chief Minister ka Delhi, ka Rekha Gupta da ong ko wa emkaam u pynhiar ya u slap kyndeh khnang wow pynkhooid ya ka la’ær wei iwa leh kattæ toh iwa pyrchang donhi.
Discussion about this post