Haka sngi wa 6 ka dorbar ka 11th Manipur Legislative Assembly, u Chief Minister N Biren Singh da pyntip u wa i yoh dan naka State GST (SGST) man ko kawa biang bha wei da yoh T. 640.74 klur hadooh u Duiatra (Jan) uni u snem wei ye ko u poi hadooh T. 861.87 klur hadooh wa kut u snem mang poisa.
Da pyntip u leh wa da pyrkhat wow chah noh daka aiñ wow rep bhang hapoh ka jylla deiwa pynrap leh wa ka sorkar u yaleh hi ko wow yaleh pyrchah yei ktah i drug yaka jylla.
Ha iwi tawon i liang, hawa jubab ya u MLA Kh Joykishan Singh, uwa yahkhmat ka dorbar da ong u wa ka sorkar jylla dang pyrkhat ko wow chah yei rep bhang katkam ka aiñ wei ini toh du wow chna dawai na u bhang wei lada pynkrehkaam ya ini toh du wow pynku yaka yarong poisa ka jylla.
Da ong u leh wa ka sorkar ym leh jhan ko ya kani ka kaam wei daw pyrkhat chwa ko yei myntoi wa i dooh myntoi na ini.
Heiyatoh won wa i tympra ya ki thaw thung Poppy wa pyrchah yaka aiñ ha ki thaw wa heh 1952 Acre ha ki 7 tylli ki District nadooh u Naikhynde u 2019 hadooh ka 16 tatik uni u bnai iwa leh da ki pulit wa kiwi ki chnat sorkar, da pyntip da em 32 tylli ki mukotduma heiwa yatoh wa ini, da pyntip chooh chooh u.
Discussion about this post