December 3, 2022
Ka lympung yalehbol ka Mookhep Social & Cultural Sports Club kawa tip kam ka 7th Knockout Cash Prize Tournament 2022 dapoi ko cha wakut ynne da ka yakhun Final hapyrdi ka Ialong FC waka HCFC.
Ka yalehke hadooh wa kut i por ym em wa yoh u thap kool wei da pynman daka yachut Tie-Breaker heiwa ka Ialong da jop ko da 7-6 wei da rah ko leh yaka song poisa kawa T. 50,000 katwa ka HCFC won da yoh ko T. 20,000.
Ya kani ka Final da wan wow sakhi da u Fineliness Bareh, MDC ka Rymbai-Khliehriat Constituency kam u kongsan, u Waheh Chnong ka Mookhep, u Denis Siangshai wa u Secretary chnong, u Francis Dkhar.
Da saam leh yei naam Best Goalkeeper cha u Kermi Shylla naka Ialong FC katwa yei naam Best Player da yoh u Baristar Bareh naka HCFC.
Ya kani ka Tournament da pynlai da u Victor Kyndait kam u President, u Kyrmen Chyrmang, General Secretary wa u Deini Dhar kam u Tournament Secretary.
