Rah biang ka Rymbai Skhenshynriah ya ka Gold Cup ka WSSWO | Kular u Sniawbhalang Rs. 20 lak yow chna Dressing Room

Ka lympung yalehbol wa tip kam ka 30^th Gold Cup Knockout Football Tournament 2024 wa pynman da ka Wapungskur Sports & Social Welfare Organisation (WSSWO) dapoi ko cha ka yakhun Final ynnin ka sngi da ka yalehke hapyrdi ka Rymbai Skhenshynriah SC pyrchah ya ka Kynsai Stream Fensing FT.

Ha kani ka yalehke, ka Rymbai Skhenshynriah SC da pynrem ko ya ka Kynsai Stream Fensing Stream da 2-0 wei da man ko leh ka sien wa le wa da rah ka Rymbai Skhenshynriah ya kani ka Tournament.

Ka Rymbai Skhenshynriah da rah ko leh ya ka song poisa kawa Rs. 5 lak deilang wa chiteiñ tola i ksiar katwa ka Kynsai Stream Fensing won kam kawa rem da yoh ko Rs. 3 lak.

Ya kani ka sngi pynkut da wan wow sakhi da u Deputy Chief Minister ka jylla, u Sniawbhalang Dhar kam u kongsan wa u Phasmon Dkhar, EM JHADC kam u symbood kongsan.

Neiliang u Sniawbhalang hawa e yei klam da kular u wow e yarap cha ka WSSWO Rs. 20 lak neibynta u chna ya ka Dressing Room katwa u Phasmon won da kular u wa deiwa krehlang wa u Sniawbhalang wow siang Artificial Turf ha kani ka mandan ka WSSWO.

Da ya emlang leh ha kani ka sngi wa u DC ka East Jaiñtia Hills District deilang u SP ka District, u Seibor Shadap, MDC JHADC, u Francis Swer, u Shitlang Pdang, u Iahmi Khyriam, u Nidamon Chulet, u Streamly N. Suchen wa ki waheh chnong na kylleiñ ka Ri-loom Jaiñtia.

Ha kani ka sngi da pynkhle leh ya ka Lucky Draw wei ki Number wa pam man ki kamni:

Related posts

Pynskem ka Lajong ya ka Contract ki 8 ngut kiwa yalehke | Ar ngut kiwa da yut cha kiwi ki ISL Team

July 6, 2026

Pyndam ka FIFA ya ka Red Card uwa yaleh ka USA | Daw yoh u yalehke Quarter Final

July 5, 2026

1^st Prize- 22744

2^nd Prize- 16337

3^rd Prize- 11224

Consolation Prize: 16103, 2594, 13373, 6671, 1566, 10114, 24952, 6039, 22826, 4049.