Ka 1st Open to All Veteran Football Tournament 2023 wa pynman da ka East Jaiñtia Hills District Football Association (EJHDFA) da poi ko cha wakut ynne da ka yakhun hapyrdi ka Ar Dolloi FC waka 12 Dolloi FC.
Ka 12 Dolloi da jop ko da 2-0 yaka Ar Dolloi FC wei ya kini ki kool da thap da u Gerald Pdang haka minit wa 32 wa u Rapdamewan Papang haka minit wa 57.
Ha kani ka sngi da saam khusnaam da u Andrico Rymbai, Adviser ka EJHDFA cha kiwa jop katwa u Joshua Sajem, Vice President EJHDFA da saam u cha kiwa rem deiwa sakhilang ki dkhot ka EJHDFA.
Kiwa jop da yoh ki yaka song poisa kawa Rs. 30,000 deilang waka Trophy katwa kawa rem won da yoh ko Rs. 20,000 deilang waka Trophy.
Discussion about this post