Rah ka 3rd MLP ya ka 1st JJM Nichols Roy Memorial Inter Office T20 Cricket Tournament

Jowai: Ka 1^st JJM Nichols Roy Memorial Inter Office T20 Cricket Tournament 2018 ynne ka sngi da poi ko cha wa kut da ka yakhun Final hapyrdi ka PHE (Electrical) pyrchah ya ka 3^rd MLP (IR) Battalion.

Ka PHE da jop ko ya ka kylla khlem wei da jied ko u Bat nyngkong tangwa da ye ko u kamai du 64 Run na ki 15.5 Over deiwa haap lut ki Wicket yong ka.

Kiwa Bat ka PHE kiwa da yoh u kamai boon Run toh u Monty Challam 10 Run, Lening Nongtdu 8 Run wa u Yoomi Patwet 6 Run.

Kiwa kawang bol ka 3^rd MLP kiwa da yoh pynhaap boon Wicket toh u Bikash Chettri uwa da yoh 3 Wicket na ki 3 Over wei da chah kamai u 7 Run, u Pynshlur Shadap uwa yoh 2 Wicket na ki 3 Over wei da e u 7 Run wa u Vijay Shah uwa yoh 2 Wicket na ki 4 Over wei da chah kamai u 28 Run.

Ka 3^rd MLP hawa kdong ya ka thong da jop suk ko ha ka 10.4 Over deiwa yoh ko 65 Run wei da dooh ko 3 Wicket.

Kiwa Bat ka MLP wa leh bha toh u Jembo Marak uwa yoh 42 Run wa u Pynshlur Shadap uwa yoh 14 Run.

Neiliang kiwa kawang bol ka PHE u Heiyoobiangmi Suchiang da yoh u pynhaap 2 Wicket na ki 4 Over wei da e u 11 Run wa u Yoomi Patwet uwa yoh chi Wicket na ka chi Over wei da e u 9 Run.

Kamtæ ka 3^rd MLP (IR) Battalion da jop ko da 7 Wicket.

Related posts

Yoh ka chnong Ratacherra ya ka madan Futsal

October 13, 2025

Jop ka Khliehiongriang ya ka Lumiawmuchai Shangpung ha ka 1st Division ka WJDSA

October 13, 2025

Ha kani ka sngi yei naam ‘Man of the Match’, ‘Man of the Series’ wa ‘Highest Run maker’ da da yoh u Jembo Marak naka 3^rd MLP katwa yei naam Highest Wicket Taker da yoh u Bikash Chettri uwa da yoh waroh 11 tylli ki Wicket wei oo leh toh uwa yalehke ka 3^rd MLP.