Ka 7 Pillar da yoh rah ko yei naam jop dooh haka 7-A-Side Football Tournament ha Wahiajer wada pynman da ka Jalapang Sports Club ha Wahiajer Stadium hadien wa pynrem ko yaka Maia Sport Club da 4-2 ynne ka sngi.
Ya ki kool ka 7 Pillar da yoh thap da u Burom Salahe 2 kool wa na u Stephanson Pale 2 kool, katwa ya ka Maia Club da yoh thap da u Salan Dhar.
Ha kani ka lympung yalehbol da wan ya chimbynta da 24 tylli ki liang na kylleiñ ka ri Khasi Jaiñtia.
Ha kani ka sngi Final da wan pynhaap pyrda ya ka da u Monlang Nongtdu, u tre ka 7 Wasa FC kam u kongsan, da em leh ka yalang wa tbian hachwa u sdang ka Final wada pynlai da u D Phawa, da em lang leh u Secretary Sports ka Wahiajer, ki dkhot ka dong Jalapang wa kiwi de.
