Jowai: Ka Byndihati FC da jop ko ya ka Lad Rymbai-B SC da 2-0 ha ka yalehke Final ka U-19 Football Tournament 2018 wa pynlai da ka Youth Development Committee ka EJHDFA. Ya kini ki ar tylli ki kool da thap da u Enijuh Shylla uwa sap Jersey No. 9.
Ya kani ka yalehke Final da wan wai da u Finelyness Bareh, u Chairman ka Party UDP yong ka 6-Khliehriat Constituency deilang wa ki dkhot wa ki bru pawkhmat ka East Jaiñtia Hills District.
Ha i klam u Finelyness Bareh da yaroh u ya ka Youth Development Committee ka EJHDFA wa da ye ko u pynman ya kani ka Tournament kawa ym jooh em de u pynman da rap slem wei da kyntu u leh ya ka EJHDFA wow pynman chooh chooh ya kam kini ki jait yalehke neibynta ki khynnah kiwa da biang rta wei wow yakrehlang yow pynku ya ki kaam sports hapoh ka district.
Da kwah u leh wa nyngkong dooh wa kiwa kitkaam yong ka association wow krehchitom ki wow lai luti deilang wa kiwa mihkhmat ka district wow pynbha pynmiat ya ka yalehke kam ki madan bol yow man katkam ka juk wa katni.
Discussion about this post