Rah ka Chnong Lama ya ka Elaka Lakadong Knockout Football Tournament

Ka Chnong Lama FT da yoh ko u rah ya ka khusnaam jop ha ka lympung yalehke kawa tip kam ka 1st Elaka Lakadong Knockout Football Tournament 2021-22 kawa pynman da ka Elaka Lakadong Sports Association (ELSA) ynnin ka sngi ha chnong Borghat heipor 2:30 i sngi.

Ka Chnong Lama da jop ko pyrchah ya ka Chnong Lakadong Ummat da 2-1 ha ka yakhun Final heiwa ka yalehke da man ko kawa yoosuk bha wei pynchongchit ya ki paidbah wa wan paitke khamtam ya kiwa kyrchaan yong ki arliang chnong.

Ha ka yalehke ka kylla step, ka Lakadong Ummat da yalehke bha ko heiwa hadien du kattu katni minit da yoh ko ya ka Penalty kawa da chut wei da thap da u Pormi Sumer ha ka minit kawa 10. Ini da pynkhyrngiat ko ya kiwa yalehke yong ka Chnong Lama heiwa khlem poi pyrkhat da yoh ki u thap ya ka kool lyngba u Arbikrik Rymbai ha ka minit kawa 29.

Hawa pteiñ ya ka kylla miet ka yalehke da man ko kawa ya ryngkat bor bha heiwa pynarliang da pyrchang ki u yoh u thap kool tangwa boon ki kabu da sepai ki tangwa ka Chnong Lama da yoh u pyntikna yei naam jop lyngba ka kool wa thap bakla da uwa yalehke ka Chnong Lakadong Ummat hawa pynyait ya ka bol kawa chut da uwa yalehke ka Lama.

Related posts

Sdang ka Subroto Cup 2025 ka West Jaiñtia Hills

June 2, 2025

Ha Jowai wa Wahiajer u pynman ya ka Subroto Mukherjee Cup 2025 ka West Jaiñtia Hills

June 1, 2025

Kamtæ ka Chnong Lama da jop ko da 2-1.

Ya ki khusnaam da wan saam da ka Violet Lyngdoh kawa da wan mihkhmat heithaw ka Santa M Shylla (Candidate Sutnga-Saipung Constituency 2023), ryngkat i emlang u JR Pyrtuh (Ex-MDC Bataw Lakadong), u O. Shadong (Dolloi Elaka Lakadong), u Kyrmen Swer (u waheh ka Borghat) wa kiwa kitkaam ka Association, ki Waheh Chnong hapoh ka Elaka, Ki dkhot ka EC ka Elaka wa kiwi de ki brupaaw khmat ka thaaiñ.

Ha kani ka sngi u J. Pyrtuh da saam u ya ka song pisa wa ka Trophy cha ka Lakadong Ummat katwa ka Violet Lyngdoh da sam ko cha ka Chnong Lama ya ka song pisa wa ka Trophy kam kiwa jop Final.

Da saam leh yei khusnaam chimet heiwa u Arbikrik Rymbai da yoh rah u ya ka naam Player of the Tournament na Chnong Lama, u Ricos Dkhar da yoh u ya ka naam Best Goalkeeper na Lakadong Ummat katwa u Da-o Hipaia Rymbai da yoh u yei naam Youngest Player of the Tournament naka Lakadong Umlatdoh.

Ya ka yalang da pynlai da u F. Rymbai, President ELSA.