Ka 1st Division Football Tournament 2023 wa tip leh kam ka 11th Chatister Kharkongor Memorial Trophy wa pynman da ka West Jaiñtia District Sports Association (WJDSA) da poi ko cha ka yakhun Final ynne hapyrdi ka Demthring SC waka Wahiajer SC ha madan Kiang Nangbah Stadium Jowai.
Ka Demthring da yoh ko wow rah yei naam Champion deiwa jop da 2-1 ha ka yalehke wa yatoh bor bha.
Ka Demthring da yoh ko wow thap kool mar ya sdang ka yalehke lyngba u Maidong Mukhim haka minit wa 2 tangwa ka Wahiajer da su kylliang ko haka minit wa 25 lyngba u Niwan Oo Gatphoh haka minit wa 25.
Kamtæ ka yalehke da neh ko da 1-1 wei da yoo lakam wow poi cha ka yachut Tie-Breaker tangwa chwa u kut i por ka kylla miet haka minit wa 104 da thap kool u Lounidajied Ryngkhlem yow pynjop ya ka Demthring.
Ka Demthring deilang waka Wahiajer da yoh ki wow ku kyrdan cha ka Super Division haka samoi wow wan.
Yei naam Man of the Match da yoh u Babitlang Dkhar uwa yalehke ka Demthring.
Ha kani ka sngi da saam leh yei naam Best Goalkeeper wa da yoh da u Fourme Dkhar naka Demthring, yei naam Top Scorer da yoh u Nidaioh Dhar naka Mukhla Evergreen uwa thap 6 kool katwa yei naam Player of the Tournament da yoh u Dawanbiang Passah naka Nangbah Iawmusiang.
Ka Demthring kam ka Champion da yoh ko leh yaka song poisa kawa Rs. 30,000 katwa ka Wahiajer da yoh ko Rs. 20,000.
Discussion about this post