Ka lympung yalehbol wa pynman da ka Bataw Rumshnong Youth Club kawa tip kam ka 4th Umsyngki Knockout Football Tournament 2025-26, da wan pynhaap pyrda ka ha ka 13 tarik da u Metbah Lyngdoh, Montri ka chnat Bordiñ kam u kongsan deilang wa u Kyrmen Shylla kam u symbood kongsan uwa man kam u MLA ka thaaiñ uwa man leh kam u Adviser ka chnat Mining & Geology yong ka sorkar jylla hei emlang ka Stephanie Rapsang, District Sports Officer, East Jaiñtia Hills District, u Dr. Tammiyaki Shylla, Block Development Officer, Wapung C&RD Block, ka F. Wan, Assistant Commissioner, East Jaiñtia Hills District wei da emlang leh wa u Lasky Rymbai, Dy. CEM JHADC, u Wailad Siangshai, Dy. Chairman JHADC, u Fineliness Bareh, Ex-MDC, u Joinriwell Pyrtuh, Ex-MDC, u James Sutnga, General Secretary ka East Jaiñtia Hills District Football Association wa kiwi kiwi de kiwa chah khut sñiawbha.
Ka yalehke Final hapyrdi ka FKJGP-SEBA Circle pyrchah ya ka DERS FT da man ko kawa yoosuk bha heiwa hawa kut ka yalehke, da jop ka DERS FT ya ka FKJGP SEBA Circle da 2-1.
Ka DERS kam ka Champion da yoh ko leh ya ka song poisa kawa Rs. 2 lak wa ka Trophy katwa ka FKJGP SEBA Circle kam kawa rem da yoh ko Rs. 1 lakh deilang ka Trohy.
Yei naam Best Goalkeeper da yoh u Shain Muksor na ka DERS FT katwa yei naam Player of the Match da yoh da u Ejingmut Dkhar na ka FKJGP SEBA Circle.
Discussion about this post