Jowai: Ka 5th Independence Day Cup Under 16 Football Tournament wa pynman da ka WJDSA da poi ko cha wakut ynne ka sngi da ka yakhun Final hapyrdi ka Dulong waka Iawmulong Nartiang kawa da wan sakhi da u MLA ka Jowai u Wailadmiki Shylla.
Ka yalehke Final da man ko kawa yatoh bor bha heiwa ka kylla step da kut ko khlem em wa yoh u thap kool tangwa ha ka kylla miet ka Dulong da yoh ko wow thap kool ha ka minit wa 46 na u Tremiki Lamurong wei kani ka kool da neh ko hadooh wa kut i por heiwa hadien ini i pynarliang da yoh ki ki laad wow thap kool tangwa ym em wa ye u pynkylla kool ki.
Kamtæ ka Dulong da jop ko da 1-0.
Ha kani ka sngi da saam leh ya i naam Best Goalkeeper kawa da yoh u Salanmiki Pakyntein na ka Dulong, yei naam Top Scorer da rah u Tremiki Lamurong na ka Dulong uwa da thap 10 tylli ki kool, Man of the Match da yoh u Clifford Lytan na ka Dulong katwa yei naam Player of the Tournament da yoh u Tremiki Lamurong.
Ka Dulong da yoh ko leh ya ka song poisa wa T. 30,000 katwa ka Iawmulong Nartiang won da yoh ko T. 20,000.
Discussion about this post