Ka Ehrngiew FC da jop ko ya ka Final ka 6th Invitation Football Tournament 2022 wa pynman da ka Wahiajer Sports Club ha Wahiajer deiwa jop ya ka YBSC Shella da 3-0.
Ya ki kool ka Ehrngiew FC da yoh thap da u Robert Khongjoh haka minit wa 23, 60 wa 66.
Ha kani ka sngi yakhun Final wa da pynman ynne ka sngi da wan wow pynhaap pyrda yaka da u Sniawbhalang Dhar, u Montri ka sorkar Meghalaya, deiwa emlang u Wailadmiki Shylla, MLA ka Jowai, u Jesse Suiam, MDC Ummulong-Moodymmai, u Ailad Bhoi MDC Mukhla-Wahiajer, u Eveningstar Tron MDC Nongjngi, u Lakhon Dkhar, MDC Sohmynting-Khliehtyrchi, u Octomewot Lamin Nominated MDC, u Khroobok Passah, DSO West Jaiñtia Hills, u Lamat-oo Laloo, General Secretary WJDSA wa kiwi tawon ki waheh.
Hachwa u sdang ka Final da em ka yalang wa tbian wa pynlai da u Samson Lamare, Chairman Chnong Wahiajer, da yoh leh ya i klam na u Waheh Chnong ka Wahiajer, u Sanwotki laloo wa na u Secretary Chnong, u Andrew Sari.
Ya ka naam Man of the Match da yoh rah da u Robert Khongjoh na ka Ehrngiew FC, yei naam Player of the Tournament da yoh rah u Henry Myrboh naka Ehrngiew FC, yei naam Best Goalkeeper da yoh da u Erick Nongkhlaw naka Ehrngiew FC.
Ka Ehrngiew FC da yoh ko u rah leh yaka song poisa kawa T. 2 lak deilang waka Trophy, katwa ka YBSC Shella da yoh rah ko u rah T. 1 lak deilang wa ka Trophy.
