Ka Harnaaz Sandhu (21 snem) kawa na Punjab da wanrah biang ko ya ka pangsnget ka Miss Universe chapoh ka ri ri India hadien 21 snem wa jop ka Lara Dutta ya ini i naam ha u snem 2000.
Ka Harnaaz Sandhu da jop ko ya 79 ngut kiwi na ki ri ka pyrthai heiwa da yoh First Runner Up da ka Nadia Ferreira kawa na Paraguay wa Second Runner-Up ka Lalela Mswane kawa na South Africa.
Ya ka Sandhu da pyndeiñ pangnsget da ka Andrea Meza, Miss Universe 2020 kawa na Mexico.
Ka yakob Miss Universe 2021 toh kawa da pynman ha Eliat, Israel wei ka sien wa 70 wa da pynman ya ka.
Neiliang ka Lara Dutta da e khublei ko ya ka Harnaaz Sandu kawa da pynsñiaw yei sñiaw sarong hadien wa da yang 21 snem.
Yei naam Miss Universe da dep leh wow jop da ka Sushmita Sen ha u snem 1994.
