Jowai: Ka lympung yalehkebol yong kiwa 35 snem i rta chaneiñ kawa tip leh kam ka Above-35 kawa pynlai daka East Jaiñtia Hills District Football Association (EJHDFA) kawa pynman man ka snem da kut noh ko neibynta ka aiom yong uni u snem 2019.
Ha uni u snem da poi Final ka Eastern Pirates FC pyrchah yaka Iatyllilang FC heiwa ka Iatyllilang FC da jop ko da 2-1.
Ya i naam Best Player da yoh rah da u Rap Papang.
Ya ki khusnaam da saam da ki dkhot ka Association wei kamjooh ki waheh ka thaaiñ. Yaka khusnaam wa T. 15000 wa ka Trophy, da saam cha ka liang wa jop da u Teilang Phawa. Yaka khusnam cha ka liang wa rem da saam da u Anrico Rymbai, u dkhot rangbah ka EJHDFA katwa yaka khusnaam Best Player won da saam da u dkhot ka Association u Billysingh Bareh.
Yaka yalang pynhiar pyrda da pynlai da u James Sutnga.
Discussion about this post