Jowai: Ka Jalapang SC da rah ko yei naam jop ha ka lympung Inter Dong deiwa pynrem ya ka Lummuriap SC da ka Tie Breaker da 4-2 kool hadien wada kut i por wa booh wei waroh ar dhab ymye ki wow pynkhih ya ka jaar kool.
Neidaw wa kut i por u Referee da rai u daka Tie Bteaker heiwa naka Jalapang da chut da u Samelyroi Phawa, Oliver Pale, Eborlang Jat, Dayo Pale, katwa naka Lummuriap da chut da u Ru Kharpomtiah wa u San Mukhim katwa u George Ryngkhlem wa u Wadajied Ryngkhlem ym em u psiah ka Penalty ki.
Ha chwa u sdang ka Final da em ka yalang wa tbian wada pynlai da u Dauni Phawa wei da yoh leh yi klam na u Waheh Chnong Wahiajer u K. Shylla wa na u P. Dhar uwa man u Vice Chairman ka chnong Wahiajer.
Ha kani ka lympung da wan chim bynta da waroh 7 tylli ki dong wa em hapoh ka chnong Wahiajer wei ha kani ka Inter Dong da pynlai da ka Wahiajer Sport Club.
Discussion about this post