Ka Open to All Knockout Football Tournament-2022 wa pynman da ka West Jaiñtia District Sports Association (WJDSA) Jowai, kam chibynta i lehkmen dap 50 snem ka seiñ dapoi ko cha wakut ynne da ka yakhun Final hapyrdi ka Jaraiñ SC waka PHE kawa da poi cha ka yachut Tie-Breaker.
Ka yalehke hadooh wa kut i por da kut ko khlem em wa yoh u thap kool wei hawa poi cha ka yachut Tie-Breaker leh man ko kawa yaryngkat bor tangwa ha khaddooh da rah da ka Jarain SC da 4-3.
Ya kani ka yakhun Final da wan wow sakhi da u John F. Kharshiing, President ka Meghalaya State Olympics Association uwa da saam leh ya ka Trophy cha kiwa jop heiwa ka Jaraiñ da yoh ko leh yaka song poisa kawa T. 2 lak katwa ka PHE won da yoh ko T. 1 lak.
Ha kani ka sngi da saam leh ya ka khusnaam Man of the Match cha u Sewi Rymbai naka Jaraiñ SC.
