Ka lympung yalehbol wa tip ka 2nd Open To All Knockout Football Tournament wa da pynman da ka Dorbar Chnong Namdong-B, West Jaiñtia Hills dapoi ko chawa kut ynnin ka 7 tarik.
Ha kani ka sngi ka yalehke da man ko kawa yoosuk wot hapyrdi i pynthut u slap heiwa haka minit wa 20 ka Khanduli SC da yoh ko u thap chi kool lyngba ka Penalty wa chut u Deepson Tabi.
Neiliang yong ka Namdong CSA Sports Club da yakhun dohyap ko wow su ya kani ka kool tangwa neiwa ye uwa yang kool u yada nei chah thap hadooh wa kut i por, ka Khanduli da yoh ko yei naam jop da 1-0.
Ka Khanduli SC da rah ko ya ka thong poisa kawa Rs. 1 lak katwa ka Namdong CSA Sports Club da yoh ko Rs. 60,000.
Ha kani ka Final da wan pynhaap pyrda da u Founderson Syngkon wei da emlang u Army Lipon, u President ka Synjuk Waheh Chnong Ri Jaiñtia deiwa sakhi ki waheh chnong na kylleiñ soodong kiwa da chah khut sñiawbha ha kani ka sngi.
Discussion about this post