Ka 14th Prize Money Knockout Football Tournament 2022 wa pynman da ka Waikhyrwi Sports Club & Social Organization Dkhiah West dapoi ko cha wakut ynnin ka 11 ha Teilang Playground, Dkhiah West.
Ka yakhun Final da pynman hapyrdi ka Khliehriat pyrchah ya ka Sarki Phawa FC wei da man ko kawa yoosuk bha ya kiwa wan paitke wei kawa ya ryngkat bor bha heiwa ka kylla step da kut ko khlem em wa yoh u thap kool.
Hadien wa da yoo la kam wym em wow yoh u thap kool, ha ka 86 minit, u Robert da pynjop syndon u da chi kool ya ka Khliehriat.
Kamtæ ka Khliehriat kam ka Champion da rah ko leh ya ka song poisa kawa T. 2 lak deilang ka Trophy wa ki Medal katwa ka Sarki Phawa FC won da yoh ko ya ka songpoisa kawa T. 1 lak deilang ka Trophy wa ki Medal.
