Ka Kur Rymbai FC da jop ko ya ka Pdeiñwahkhynriam FT da 3-2 lyngba ka yachut Penalty ha ka Final yong ka lympung yalehbol kawa tip kam ka “Elaka Lakadong Knockout Football Tournament 2023 ” kawa man ynnin ka 25 tarik ha chnong Borghat.
Ha ka yalehke Final, ka yakhun da man ko kawa ya thaaiñ bha wei kawa yoosuk neibhah pyn arliang da yoh ki u pynkhih ya ka jaar kawa man mar 1-1 hadooh wa kut ka por yalehke katwa kamtæ u Referee da rai u e da ka yachut Penalty heiwa ka Kur Rymbai FC da jop ko da 3-2 pyrchah ya ka Pdeiñwahkhynriam FT.
Da ini i naam jop ka Kur Rymbai FC da yoh khur ko ya ka song poisa kawa T. 50,000 katwa ka Pdeiñwahkhynriam FT da yoh ko T. 30,000 ha ryngkat ki Trophy.
Kamtæ ya ki khusnaam samen da yoh u Cherfullness Shadap kam u Topscorer uwa da yoh 5 kool, u Da Suchen kam u Best Goalkeeper wa u Banshan Rymbai kam u Best Player wei kini pyn-ar toh na ka Rymbai FC.
Da wan pynkut ya kani ka Final da u Dr. Sankey Shangpung uwa man u MDC ka Bataw Lakadong Constituency kam u kongsan ryngkat i emlang kiwa kitkaam Sports, Ki Waheh Chnong, Secretary Chnong wa ki paidbah wa chong chnong yong ka Elaka.
