15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1

Rah ka Lajong yaka MSL 2019

0 Comments

Jowai: Ka Shillong Lajong da pynkut ko ya u snem 2019 deiwa rah yaka Meghalaya State League 2019 deiwa jop yaka Rangdajied United haka Final da 3-0 lyngba ka yachut Tie-breaker hadien wa kut ka yalehke da 0-0 ha Teilang Phawa Stadium, Khliehriat ynne ka sngi. 

Ka yalehke kawa ya thaiñ bha da man ko kawa yahaap bha wow pynkut ya kani ka Tournament kawa sdang nadooh ka 27 tarik u bnai wa dep.

Advertisement ad1

Uwa yalehke ka Rangdajied u Stephanson Pale da yoh u yei naam Man-of-the-Match ya i rukom yalehke wa biang bha tangwa uwa yang kool ka Lajong u Neithovilie Chalieu da pynjop u yaka Lajong haka yachut Penalty deiwa khang laad ya ki ar tylli ki Penalty. 

Ya kani ka Final da wan wow sakhi da kamwa 8000 ngut ki paidbah kiwa sakhi ya kiwa boon ki laad ki kabu wa yoh ki arliang wow thap kool heiwa kiwa yang dien ka Rangdajied da man ki kiwa pnah bha wow yada ya kiwa yalehke ka Lajong kiwa wan toor kiwa ym yoh laad wow pynkhih yaka jaar katwa kiwa lai chakhmat ka Rangdajied won da artatien ki wow pyrchang u thap kool.

Ki 20 minit ka Extra Time da kut biang ki khlem em wa yoh u thap kool tangwa ka Lajong da yoh ko wow lehkmen hadien wa u Naorem Mahesh Singh da thap u yaka chut Penalty wa khaddooh. 

Kam ka Champion, ka Lajong da yoh ko T. 5 lak katwa ka Rangdajied da yoh ko T. 3 lak. 

U Sports & Youth Affairs Minister u Banteidor Lyngdoh da emlang u ha kani ka sngi kam u kongsan katwa u Social Welfare Minister u Kyrmen Shylla da wan u kaam u symbood kongsan wei da saam ki leh ya ki Medals, Cheque wa ki Trophy. 

Kani ka Final da man ko leh ka yalehke wa 50 ka MSL ha uni u snem kawa da pynman ha ki soo thaw hapoh ka jylla heiwa da wan chimbynta lang da 21 tylli ki Club. 

Previous
Next

0 Comments

Leave a Reply