Ka Super Division 2024 yong ka Saipung Block Sports Association (SBSA) dapoi ko cha wakut ynnin ka 20 tarik da ka yakhun Final hapyrdi ka Pyrdung SC wa ka Lamyrsiang SC.
Ka Pyrdung mar ya sdang ka yalehke da yoh ko wow thap ha ka minit wa 9 lyngba u Phrangsngi Pakem kawa da neh kamni hadooh wa kut ka kylla step wei hadooh wa jan kut ka yalehke tangwa ha ka minit wa 90 ka Lamyrsiang da yoh ko wow thap lyngba u Jefferson Surong iwa da pynpoi ya ka yalehke cha ka Extra Time kawa mar 10 minit chiliang.
Ha kani ka Extra Time leh ym em wa thap, kamtæ da pynman da ka yachut Tie-Breaker heiwa ka Lamyrsiang da jop ko da 4-2 yow yoh yei naam Champion ha kani ka samoi.
Ka Lamyrsiang da rah ko leh ya ka song poisa kawa Rs. 50,000 katwa ka Pyrdung won da yoh ko Rs. 30,000.
Yei naam Best Goalkeeper of the Tournament da yoh u Sbing Chyrmang na ka Pyrdung SC.
Yei naam Player of the Tournament da yoh u Lissus Sujai na ka Lamyrsiang SC.
Yei naam Top Scorer of the Tournament da yoh u Sehgouthang Tuboi na ka Mulait United.
Yei naam Player of the Match da yoh u Share Mukhim na ka Lamyrsiang SC.
Ha kani ka sngi da wan wow sakhi da u Francis Swer kam u kongsan deiwa emlang u Dominic Pala heiwa da yoh ya ki kyntien pdiang burom na u Victor Suja, President SBSA wa ki kyntien khublei na ka Rihok Bareh.
Da ya emlang leh ha kani ka sngi wa u General Secretary ka EJHDFA, u James Sutnga, u Working President ka EJHDFA, u Mewot Shadap, u Nibor Lamurong, dkhot ka EJHDFA, u Mesciful Malang, u Waheh Chnong Jarain Sutnga wa u Dawan Shullai, Coach ka 7 Wasa United SC.
Discussion about this post