Ha ka 19 tarik uni u bnai, ki paidbah ka thaaiñ Namdong da yachem ki ha pchem ka Dorbar Hall ka chnong Namdong-B yow pynsñiaw yei mynjurlang wow kyrchaan ya u Damian S War uwa man leh u Waheh Chnong ka Namdong-B kam u kyrtong MDC ka 10-Mynsngat Khanduli Constituency ka JHADC.
Da emlang leh u MDC ka thaaiñ, u Dawan Lyngdoh, u Lambor Lyngdoh, Waheh Raij Namdong, u Isidol Pakma, Secretary Raij Namdong, u Arki Sumer, Waheh Chnong ka Namdong-A, ki dkhot chnong na waroh arliang ki dorbar chnong deilang kiwa yahkhmat ki chnong wa em marjan.
U MDC wa katni, u Dawan Lyngdoh da ong u wow e u yei kyrchaan wa pura neibhah oo ym yakhun u ya kani ka Election wa katni wei da kypaad u leh ya ki paidbah wow kyrchaan ya u Damian.
U Damian War hawa e yei klam da ong u wa i por da biang wow chim ya kani ka luti yakhun ya kani ka Election cha ka JHADC wei lada poi cha ka thong daw pait salonsar khamtam wow pynneh pynsah ya ka khyndaw u chyiap wei wow yada ya ka thaw ka bhaw khamtam ha ki thaaiñ khappood.
U Damian man u leh u President ka FKJGP West Jaiñtia Hills District.
Discussion about this post